ഐഎസ്ആർഒ അപേക്ഷ ക്ഷണിച്ചു : 559 ഒഴിവുകൾ
ഐഎസ്ആർഒ സെൻട്രലൈസ്ഡ് റിക്രൂട്ട്മെന്‍റ് ബോർഡ് അസിസ്റ്റന്‍റ്, ജൂനിയർ പഴ്സണൽ അസിസ്റ്റന്‍റ്, അപ്പർ ഡിവിഷൻ ക്ലാർക്ക്, സ്റ്റെനോഗ്രാഫർ തസ്തികകളിലേക്ക് അപേക്ഷ ക്ഷണിച്ചു. 559 ഒഴിവുകളാണുള്ളത്.
തിരുവനന്തപുരം, അഹമ്മദാബാദ്, ബംഗളൂരു, ഹസൻ, ഹൈദരാബാദ്, ശ്രീഹരിക്കോട്ട, ന്യൂഡൽഹി എന്നിവിടങ്ങളിലെ ഐഎസ്ആർഒയുടെ സെന്‍റർ/ യൂണിറ്റുകളിലാണ് അവസരം.
തിരുവനന്തപുരത്ത് 129 താത്ക്കാലിക ഒഴിവുകളിലേക്കും അപേക്ഷ ക്ഷണിച്ചു.
അസിസ്റ്റന്‍റ്- 84, ജൂണിയർ പഴ്സണൽ അസിസ്റ്റന്‍റ്- 45 എന്നിങ്ങയാണ് ഒഴിവ്.
ജനുവരി ഒൻ പ തുവരെ ഓണ്‍ലൈനായി അപേക്ഷിക്കാം.
യോഗ്യത : അസിസ്റ്റന്‍റ്/ അപ്പർ ഡിവിഷൻ ക്ലാർക്ക്: 60 ശതമാനം മാർക്കോടെ ബിരുദം കംപ്യൂട്ടർ പരിജ്ഞാനം.
ജൂണിയർ പഴ്സണൽ അസിസ്റ്റന്‍റ്/ സ്റ്റെനോഗ്രാഫർ: 60 ശതമാനം മാർക്കോടെ ബിരുദം. അല്ലെങ്കിൽ 60 ശതമാനം മാർക്കോടെ കൊമേഴ്സ്യൽ/ സെക്രട്ടേറിയൽ പ്രാക്ടീസിൽ ഡിപ്ലോമ. സ്റ്റെനോ ടൈപ്പിസറ്റ്/ സ്റ്റെനോഗ്രാഫർ ആയി ഒരു വർഷത്തെ പ്രവൃത്തിപരിചയം. ഇംഗ്ലീഷ് സെറ്റോനോഗ്രാഫി യിൽ മിനിറ്റിൽ 60 വാക്ക് വേഗം. കംപ്യൂട്ടർ പരിജ്ഞാനം.
പ്രായപരിധി: 28. അർഹർക്ക് ഇളവ്.
ശമ്പ ളം: 25,500 രൂപ.
ഫീസ്: 100 രൂപ.
ഓണ്‍ലൈനായി അടയ്ക്കാം. സ്ത്രീകൾ, പട്ടികവർഗം, വിമുക്തഭടൻ, ഭിന്നശേഷിക്കാർ എന്നിവർക്ക് ഫീസില്ല.
തെരഞ്ഞെടുപ്പ്: യോഗ്യതാ പരീക്ഷയുടെ മാർക്കിന്‍റെയും എഴുത്തുപരീക്ഷ, സ്കിൽ ടെസ്റ്റ് എന്നിവയുടെയും അടിസ്ഥാനമാക്കിയാണ് തെരഞ്ഞെടുപ്പ്. തിരുവനന്തപുരത്ത് പരീക്ഷാ കേന്ദ്രമുണ്ട്:
കൂടുതൽ വിവരങ്ങൾ www.isro.gov.in എന്ന വെബ്സൈറ്റിൽ ലഭിക്കും.
