കായിക താരങ്ങൾക്ക് പോലീസിൽ അവസരം

അന്താരാഷ്ടതലത്തില്‍ അംഗീകരിക്കപ്പെട്ട കായിക ഇനങ്ങളില്‍ ഏതിലെങ്കിലും രാജ്യത്തെ പ്രതിനിധാനംചെയ്യുകയോ ഒളിമ്പിക്സ്, ലോകകപ്പ്, ഏഷ്യന്‍ ഗെയിംസ് എന്നിവയിലേതിലെങ്കിലും മത്സരിക്കുകയോ ചെയ്തിട്ടുള്ള കായിക താരങ്ങൾക്ക് കോണ്‍സ്റ്റബിള്‍ (ജനറല്‍ ഡ്യൂട്ടി) തസ്തികയിലേക്ക് ഇപ്പോൾ അപേക്ഷിക്കാം. ദേശീയമത്സരങ്ങളില്‍ പങ്കെടുത്ത് മെഡല്‍ നേടിയിട്ടുള്ളവർക്കും അപേക്ഷിക്കാം.

01.01. 2017-നു ശേഷമുള്ള കായിക നേട്ടങ്ങളേ പരിഗണിക്കൂ.

അര്‍ധസൈനികസേനാവിഭാഗമായ സശസ്ത്രസീമാബലിലാണ് സ്പോര്‍ട്സ് ക്വാട്ടാ നിയമനം .
ആകെ 150 ഒഴിവുകളുണ്ട്. ഒഴിവുകള്‍ നിലവില്‍ താത്കാലികമാണെങ്കിലും പിന്നീട് സ്ഥിരപ്പെടാം.
യോഗ്യത: എസ്.എസ്.എല്‍. സി. അല്ലെങ്കില്‍ തത്തുല്യം.

പ്രായം: 18-23 വയസ്സ്. സംവരണവിഭാഗക്കാര്‍ക്ക് ചട്ടപ്രകാരമുള്ള ഇളവ് ലഭിക്കും.
ശമ്പളം: 21,700-69,100 രൂപ.
അപേക്ഷാഫീസ്: 100 രൂപ.
വനിതകള്‍ക്കും എസ്.സി., എസ്.ടി. വിഭാഗക്കാര്‍ക്കും വിമുക്തഭടര്‍ക്കും അപേക്ഷാഫീസില്ല.
അപേക്ഷിക്കേണ്ടവിധം: www.ssbrectt.gov.in എന്ന വെബ്സൈറ്റിലൂടെ .
ഓണ്‍ലൈന്‍ അപേക്ഷ സ്വീകരിക്കുന്ന അവസാന തീയതി: ഓഗസ്റ്റ് 13