ഡൽഹി പോലീസിൽ കോൺസ്റ്റബിൾ: 5846 ഒഴിവ്
ഡല്‍ഹി പോലീസില്‍ കോണ്‍സ്റ്റബിള്‍ തസ്തികയിലെ 5,846 ഒഴിവുകളിലേക്ക് അപേക്ഷ ക്ഷണിച്ചു. സ്ത്രീകള്‍ക്കും പുരുഷന്മാര്‍ക്കും അപേക്ഷിക്കാം. എഴുത്തു പരീക്ഷയുടെയും കായികക്ഷമതാ പരീക്ഷയുടെയും വൈദ്യപരിശോധനയുടെയും അടിസ്ഥാനത്തിലാണ് തെരഞ്ഞെടുപ്പ്.
കോണ്‍സ്റ്റബിള്‍ (എക്‌സിക്യൂട്ടീവ്) പുരുഷന്‍: 3,433
കോണ്‍സ്റ്റബിള്‍ (എക്‌സിക്യൂട്ടീവ്) പുരുഷന്‍ വിമുക്തഭടന്‍: 226
കോണ്‍സ്റ്റബിള്‍ (എക്‌സിക്യൂട്ടീവ്) പുരുഷന്‍ – വിമുക്തഭടന്‍ (കമാന്‍ഡോ): 243
കോണ്‍സ്റ്റബിള്‍ (എക്‌സിക്യൂട്ടീവ്) സ്ത്രീ: 1,944
യോഗ്യത: പ്ലസ് ടു ജയം. പുരുഷന്മാർ കായികക്ഷമതാ പരീക്ഷയ്ക്ക് എൽഎംവി (ഇരുചക്രവാഹനവും കാറും) ലൈസൻസ് ഹാജരാക്കണം.
പ്രായം: 2020 ജൂലൈ ഒന്നിന് 18–25. എസ്‌സി/ എസ്ടി വിഭാഗക്കാർക്ക് അഞ്ചും ഒബിസിക്കു മൂന്നും വർഷം ഇളവ്. വിമുക്‌തഭടന്മാർക്കും ഡിപ്പാർട്മെന്റൽ ജീവനക്കാർക്കും മറ്റും ചട്ടപ്രകാരം ഇളവ്.
തിരഞ്ഞെടുപ്പ്: എഴുത്തുപരീക്ഷ, കായികക്ഷമതാ പരീക്ഷ, ശാരീരകയോഗ്യതാ പരിശോധന, വൈദ്യപരിശോധന എന്നിവ മുഖേന.
ഒന്നാംഘട്ട കംപ്യൂട്ടർ അധിഷ്ഠിത പരീക്ഷ: നവംബർ 27 – ഡിസംബർ 14 കേരളത്തിലെ കേന്ദ്രങ്ങൾ: തിരുവനന്തപുരം, എറണാകുളം, തൃശൂർ.
ഒരേ റീജനു കീഴിൽ മുൻഗണനാക്രമത്തിൽ മൂന്നു കേന്ദ്രങ്ങൾ തിരഞ്ഞെടുക്കാം.
ശാരീരിക യോഗ്യതയും കായികക്ഷമതാ പരീക്ഷയും സംബന്ധിച്ച വിശദവിവരങ്ങൾ www.ssc.nic.in എന്ന വെബ്‌സൈറ്റിൽ ലഭിക്കും.
അവസാന തിയതി: സെപ്റ്റംബർ 7
