ദക്ഷിണ റെയിൽവേയിൽ അപ്രെൻറിസ്: 3378 ഒഴിവുകൾ

ദക്ഷിണ റെയിൽവേ ഫിറ്റർ, ഇലക്ട്രീഷ്യൻ, കാർപ്പെൻറർ, വെൽഡർ, ടേർണർ തുടങ്ങിയ വിവിധ ട്രേഡുകളിലായി റിപ്പോർട്ട് ചെയ്തിട്ടുള്ള 3378 അപ്രെൻറിസ്ഒഴിവുകളിലേക്ക് അപേക്ഷ ക്ഷണിച്ചു. പത്താം ക്ലാസും ഐ.ടി.ഐയുമുള്ളവർക്ക് അപേക്ഷിക്കാം.

പെരമ്പൂരിലെ കാര്യേജ് വർക്സിൽ 936 ഒഴിവുകളും ഗോൾഡൻ റോക്ക് വർക്ക് ഷോപ്പിൽ 756 ഒഴിവും സിഗ്നൽ ആന്റ് ടെലികോം വർക്ക് ഷോപ്പിൽ 1686 ഒഴിവുകളുമാണുള്ളത്.

പ്രായം : 15 വയസിനും 24 വയസിനും ഇടയിൽ
സംവരണ വിഭാഗക്കാർക്ക് ഉയർന്ന പ്രായപരിധിയിൽ നിയമപ്രകാരമുള്ള ഇളവ് ലഭിക്കും. ഓൺലൈൻ വഴി മാത്രമേ അപേക്ഷ സ്വീകരിക്കുകയുള്ളൂ.

100 രൂപയാണ് അപേക്ഷാ ഫീസ്. ഓൺലൈനായി ഫീസടയ്ക്കാം. എസ്.സി, എസ്.ടി, ഭിന്നശേഷിക്കാർ, വനിതകൾ എന്നിവർക്ക് ഫീസില്ല.
ഓൺലൈനായി അപേക്ഷിക്കാനും കൂടുതൽ വിവരങ്ങൾക്കും ദക്ഷിണ റെയിൽവേയുടെ ഔദ്യോഗിക വെബ്സൈറ്റായ https://sr.indianrailways.gov.in സന്ദർശിക്കുക.

അപേക്ഷിക്കാനുള്ള അവസാന തീയതി: ജൂൺ 30