തൊഴിലാളി ക്ഷേമനിധി ബോര്‍ഡില്‍ ഡെപ്യൂട്ടേഷന്‍ നിയമനം
കേരള ഷോപ്‌സ് ആന്റ് കമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് തൊഴിലാളി ക്ഷേമനിധി ബോര്‍ഡിന്റെ വിവിധ ഓഫീസുകളിലെ തസ്തികകളിലേക്ക് ഡെപ്യൂട്ടേഷന്‍ വ്യവസ്ഥയില്‍ നിയമനം ആഗ്രഹിക്കുന്ന സര്‍ക്കാര്‍ സര്‍വ്വീസിലെ സമാന തസ്തികകളില്‍ സേവനം അനുഷ്ഠിക്കുന്ന ഉദ്യോഗസ്ഥരില്‍ നിന്നും അപേക്ഷ ക്ഷണിച്ചു.
ഒഴിവുള്ള തസ്തികകള്‍ : ജില്ലാ എക്‌സിക്യൂട്ടീവ് ഓഫീസര്‍ (35700-75600, ജില്ലാ ഓഫീസ് എറണാകുളം-1, ജില്ലാ ഓഫീസ് കോട്ടയം -1), എല്‍.ഡി. ക്ലര്‍ക്ക് കം കമ്പ്യൂട്ടര്‍ ഓപ്പറേറ്റര്‍ (19000-43600, ചീഫ് ഓഫീസ് തിരുവനന്തപുരം -1, ജില്ലാ ഓഫീസ് കോഴിക്കോട് – 1).
കെ.എസ്.ആര്‍ പാര്‍ട്ട് 1 റൂള്‍ 144 പ്രകാരമുള്ള സ്റ്റേറ്റ്‌മേന്റ്, ഡിക്ലറേഷന്‍, വകുപ്പ് മേധാവിയില്‍ നിന്നുള്ള എന്‍.ഒ.സി എന്നിവ സഹിതമുള്ള അപേക്ഷ ,
ചീഫ് എക്‌സിക്യൂട്ടീവ് ഓഫീസര്‍, കേരള ഷോപ്‌സ് ആന്റ് കമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് തൊഴിലാളി ക്ഷേമനിധി ബോര്‍ഡ്, ചെറുന്നിയൂര്‍ ടവേഴ്‌സ്, ഒന്നാം നില, വഞ്ചിയൂര്‍ പി.ഒ., തിരുവനന്തപുരം – 695035 എന്ന വിലാസത്തില്‍ 2018 ജനുവരി 15 ന് മുമ്പായി ലഭിക്കണം. ഫോണ്‍ 0471 – 2572758.
