നാഷണൽ എലിജിബിലിറ്റി പരീക്ഷ: മാർച്ച് മൂന്നുവരെ അപേക്ഷിക്കാം
യുജി സിക്കു വേണ്ടി മേയ് രണ്ടു മുതൽ 17 വരെ നാഷണൽ ടെസ്റ്റിംഗ് ഏജൻസി (NTA) നടത്തുന്ന ജൂണിയർ റിസർച്ച് ഫെലോഷിപ്പ്, നാഷണൽ എലിജിബിലിറ്റി ടെസ്റ്റ് പരീക്ഷക്ക് മാർച്ച് മൂന്നു വരെ ഓൺലൈനായി അപേക്ഷിക്കാം.
ഫെലോഷിപ്പോടുകൂടി ഗവേഷണ പഠനത്തിനുള്ള ജൂണിയർ റിസർച്ച് ഫെലോഷിപ്പിനും (ജെആർ എഫ്) സർവകലാശാല, കോളജ് എന്നിവിടങ്ങളിൽ അധ്യാപകരാകാനുമുള്ള യോഗ്യതാ നിർണയ (നാഷണൽ എലിജിബിലിറ്റി ടെസ്റ്റ്-നെറ്റ്) പരീക്ഷയാണിത്.
ഓൺലൈനായാണ് പരീക്ഷ നടത്തുന്നത്.
പ്രായപരിധി: 30 വയസ് . പട്ടിക വിഭാഗക്കാർക്കും, ഒബിസി, വികലാംഗർ, വനിതകൾ എന്നിവർക്കും അഞ്ചു വർഷത്തെ ഇളവ് അനുവദിക്കും.
അപേക്ഷാ ഫീസ്: ജനറൽ വിഭാഗത്തിന് 1000 രൂപ. ഒബിസി, ഇഡബ്ല്യുഎസ് വിഭാഗക്കാർക്ക് 500 രൂപ. എസ്‌സി, എസ്ടി, വികലാംഗ വിഭാഗക്കാർക്ക് 250 രൂപ.
പരീക്ഷ ഒബ്ജക്ടീവ് രീതിയിലായിരിക്കും.
കൂടുതൽ വിവരങ്ങൾ www.nta.ac.in എന്ന വെബ്‌സൈറ്റിൽ ലഭിക്കും.
