ഹിന്ദി പ്രാധ്യാപക്, ട്രാൻസ്‌ലേറ്റർ പരീക്ഷ
സ്റ്റാഫ് സെലക്ഷൻ കമ്മീഷൻ നടത്തുന്നഹിന്ദി പ്രാധ്യാപക് (ലക്ചറർ/ടീച്ചർ) , ജൂണിയർ ഹിന്ദി ട്രാൻസ്‌ലേറ്റർ, ജൂണിയർ ട്രാൻസ്‌ലേറ്റർ, സീനിയർ ഹിന്ദി ട്രാൻസ്‌ലേറ്റർ, പരീക്ഷ 2018 ന് അപേക്ഷ ക്ഷണിച്ചു.
2019 ജനുവരി 12 ആണ് പരീക്ഷ.
ജൂണിയർ ഹിന്ദി ട്രാൻസ്‌ലേറ്റർ/ജൂണിയർ ട്രാൻസ്‌ലേറ്റർ തസ്തികയിൽ കേന്ദ്ര സെക്രട്ടേറിയറ്റ്, റെയിൽവേ മന്ത്രാലയം, സായുധസേന ഹെഡ്ക്വാർട്ടേഴ്സ് എന്നിവടങ്ങളിലാണ് അവസരം.
സീനിയർ ഹിന്ദി ട്രാൻസ്‌ലേറ്റർ തസ്തികയിൽ വിവിധ കേന്ദ്രമന്ത്രാലയങ്ങളിൽ ഒഴിവുണ്ട്.
ഹിന്ദി പ്രാധ്യാപക് തസ്തികയിൽ സെൻട്രൽ ഹിന്ദി ട്രെയിനിംഗ് ഇൻസ്റ്റിറ്റ്യൂട്ടിലാണ് അവസരം.
അപേക്ഷാ ഫീസ്: 100 രൂപ. എസ്ബിഐ ചെല്ലാൻ/ എസ്ബിഐ നെറ്റ് ബാങ്കിംഗ് എന്നിവ വഴി ഫീസ് അടയ്ക്കാം. എസ്‌സി, എസ്ടി, വികലാംഗർ, വിമുക്തഭടൻമാർ എന്നിവർക്ക് ഫീസില്ല.
അപേക്ഷിക്കേണ്ട വിധം: www.ssc.nic.in എന്ന വെബ്സൈറ്റിലൂടെ ഓൺലൈനായാണ് അപേക്ഷ സമർപ്പിക്കേണ്ടത്.
വിശദവിവരങ്ങൾക്ക് www.ssc.nic.in എന്ന വെബ്സൈറ്റ് സന്ദർശിക്കുക.
അപേക്ഷ സ്വീകരിക്കുന്ന അവസാന തീയതി നവംബർ 19.
