റെസ്‌ക്യൂ ഗാർഡുമാരെ നിയമിക്കുന്നു
കാസർഗോഡ്: ട്രോളിങ് നിരോധനവുമായി ബന്ധപ്പെട്ട് 2021 ജൂൺ 9 മുതൽ ജൂലായ് 31 വരെയുള്ള ദിവസങ്ങളിൽ കടൽരക്ഷാപ്രവർത്തനം നടത്തുന്നതിന് ഫിഷറീസ് വകുപ്പ് റെസ്‌ക്യൂ ഗാർഡുമാരെ നിയമിക്കുന്നു.
ദിവസവേതനാടിസ്ഥാനത്തിലുള്ള നിയമനത്തിന് വാക് ഇൻ ഇന്റർവ്യൂ നടത്തും. ഇന്റർവ്യൂവിൽ പങ്കെടുക്കുന്നവർ മത്സ്യത്തൊഴിലാളി ക്ഷേനിധി ബോർഡ് അംഗീകരിച്ച മത്സ്യത്തൊഴിലാളികളും കാസർകോട് ജില്ലയിലെ സ്ഥിര താമസക്കാരുമായിരിക്കണം.
കടൽ രക്ഷാ പ്രവർത്തനത്തിൽ പരിചയമുള്ളവർക്കും ഗോവയിലെ നാഷണൽ ഇൻസ്റ്റിറ്റ്യൂട്ട് ഓഫ് വാട്ടർ സ്പേസിൽ നിന്നും പരിശീലനം ലഭിച്ചവർക്കും മുൻഗണന ലഭിക്കും.
താത്പര്യമുള്ളവർ ജൂൺ നാലിന് രാവിലെ 10.30ന് പാസ്പോർട്ട് സൈസ് ഫോട്ടോ പതിച്ച ബയോഡാറ്റയും തിരിച്ചറിയൽ രേഖയുടെ പകർപ്പ് മത്സ്യത്തൊഴിലാളി ക്ഷേമനിധി പാസ്ബുക്കിന്റെ പകർപ്പ്, യോഗ്യത തെളിയിക്കുന്ന രേഖകളുടെ പകർപ്പ് എന്നിവ സഹിതം കാഞ്ഞങ്ങാട് മീനാപ്പീസിൽ പ്രവർത്തിക്കുന്ന ഫിഷറീസ് ഡെപ്യൂട്ടി ഡയരക്ടർ ഓഫീസിൽ കൂടിക്കാഴ്ചക്ക് ഹാജരാകണം. ഫോൺ: 04672 202537
