ടുഡി ആന്റ് ത്രീഡി ഗെയിം ഡെവലപ്പ്‌മെന്റ് പരിശീലനം
സി-ഡിറ്റ്, സൈബർശ്രീ പട്ടികജാതി വിഭാഗത്തിൽപ്പെട്ടവർക്കായി നടത്തുന്ന ടുഡി ആന്റ് ത്രീഡി ഗെയിം ഡെവലപ്പ്‌മെന്റ് പരിശീലനത്തിന് അപേക്ഷിക്കാം.
തിരുവനന്തപുരത്ത് നടത്തുന്ന പരിശീലനത്തിന് എൻജിനീയറിംഗ്/എം.സി.എ/ബി.സി.എ ബിരുദമുള്ളവർക്കും, എൻജിനീയറിംഗ്/എം.സി.എ കോഴ്‌സ് പൂർത്തീകരിച്ചവർക്കും പങ്കെടുക്കാം. പ്രായപരിധി 26 വയസ്സ്. ആറ് മാസത്തെ പരിശീലനത്തിൽ പങ്കെടുക്കുന്നവർക്ക് പ്രതിമാസം 3500 രൂപ സ്റ്റൈപന്റ് ലഭിക്കും.
വിദ്യാഭ്യാസ യോഗ്യത, വയസ്സ്, ജാതി എന്നിവ തെളിയിക്കുന്ന സർട്ടിഫിക്കറ്റുകളുടെ ശരിപ്പകർപ്പ് സഹിതം അപേക്ഷയുമായി ജനുവരി 10 ന് സൈബർശ്രീ സെന്റർ, സി-ഡിറ്റ്, പൂർണ്ണിമ, റ്റി.സി.81/2964, തൈക്കാട്. പി.ഒ, തിരുവനന്തപുരം-695014 എന്ന വിലാസത്തിൽ നേരിട്ടെത്തണം. പൂരിപ്പിച്ച അപേക്ഷയും മറ്റ് രേഖകളും cybersritraining@gmail.com എന്ന വിലാസത്തിലേക്ക് ഇ-മെയിൽ ചെയ്ത ശേഷം നേരിട്ട് വരികയുമാവാം.
വിശദ വിവരങ്ങളും അപേക്ഷാഫോറവും www.cybersri.org യിൽ ലഭ്യമാണ്.
ഫോൺ: 04712323949.
