സ്പോര്‍ട്സ് സ്‌കൂള്‍ പ്രവേശനം; സെലക്ഷന്‍ ട്രയല്‍
ജി വി രാജ സ്പോര്‍ട്സ് സ്‌കൂളിലും കണ്ണൂര്‍ സ്പോര്‍ട്സ് ഡിവിഷന്‍ സ്‌കൂളിലും പ്രവേശനത്തിനുള്ള ജില്ലാതല സെലക്ഷന്‍ ജനുവരി 22 ന് നടക്കും. രാവിലെ എട്ടു മണി മുതല്‍ കണ്ണൂര്‍ പൊലീസ് പരേഡ് ഗ്രൗണ്ടിലാണ് സെലക്ഷന്‍ ട്രയല്‍. ഏഴ്, എട്ട്, ഒമ്പത്, പ്ലസ് വണ്‍/വിഎച്ച്എസ്ഇ ക്ലാസുകളിലേക്കാണ് പ്രവേശനം.
അത്ലറ്റിക്സ്, ബാസ്‌കറ്റ് ബോള്‍, ഫുട്ബോള്‍, വോളിബോള്‍, തയ്ക്കൊണ്ടോ, റസ്ലിംഗ്, ഹോക്കി, വെയ്റ്റ്ലിഫ്റ്റിംഗ്, ബോക്സിങ്, ജൂഡോ എന്നീ ഇനങ്ങളില്‍ താല്‍പര്യമുള്ള വിദ്യാര്‍ഥികളെയാണ് തെരഞ്ഞെടുക്കുക. പ്രവേശനം ആഗ്രഹിക്കുന്നവര്‍ ജനന തീയതി തെളിയിക്കുന്ന രേഖയും ഫോട്ടോയും ജില്ലാ, സംസ്ഥാന, ദേശീയ മത്സരങ്ങളില്‍ പങ്കെടുത്തിട്ടുണ്ടെങ്കില്‍ അതിന്റെ സര്‍ട്ടിഫിക്കറ്റുകളുമായി പൊലീസ് പരേഡ് ഗ്രൗണ്ടില്‍ നേരിട്ട് ഹാജരാകണം. കൂടുതല്‍ വിവരങ്ങള്‍ www.sportskerala.org ല്‍ ലഭിക്കും.
ഫോണ്‍: 0471 2326644
