പാർലമെൻററി പ്രാക്ടീസ് & പ്രൊസീജ്യർ സർട്ടിഫിക്കറ്റ് കോഴ്‌സിന് അപേക്ഷിക്കാം
തിരുവനന്തപുരം: പാർലമെൻററി ജനാധിപത്യ വ്യവസ്ഥയേയും നടപടിക്രമങ്ങളേയും സംബന്ധിച്ച് കേരള നിയമസഭയുടെ കേരള ലെജിസ്ലേറ്റീവ് അസംബ്ലി മീഡിയ & പാർലമെൻററി സ്റ്റഡി സെൻറ ർ (പാർലമെൻററി സ്റ്റഡീസ്) വിദൂര വിദ്യാഭ്യാസ സമ്പ്രദായത്തിൽ നടത്തുന്ന ആറ് മാസത്തെ സർട്ടിഫിക്കറ്റ് കോഴ്‌സ് ഇൻ പാർലമെൻററി പ്രാക്ടീസ് & പ്രൊസീജ്യറിന്റെ ഒൻപതാമത് ബാച്ചിലേക്കുള്ള പ്രവേശനത്തിന് അപേക്ഷ ക്ഷണിച്ചു.
അപേക്ഷിക്കുന്നതിനുള്ള കുറഞ്ഞ വിദ്യാഭ്യാസ യോഗ്യത: ഹയർ സെക്കൻഡറി /തത്തുല്യം. അപേക്ഷാ ഫോമും പ്രൊസ്‌പെക്ടസും നിയമസഭയുടെ വെബ്‌സൈറ്റിൽ ലഭിക്കും.
അപേക്ഷാ ഫീസ് 100 രൂപ.
പൂരിപ്പിച്ച അപേക്ഷകൾ നവംബർ 20നകം ഡെപ്യൂട്ടി ഡയറക്ടർ, കേരള ലെജിസ്ലേറ്റീവ് അസംബ്ലി മീഡിയ & പാർലമെൻററി സ്റ്റഡി സെൻറർ (പാർലമെൻററി സ്റ്റഡീസ്), റൂം നമ്പർ 739, നിയമസഭാ മന്ദിരം, വികാസ്ഭവൻ. പി.ഒ, തിരുവനന്തപുരം- 695 033 എന്ന വിലാസത്തിൽ നേരിട്ടോ തപാൽ മുഖേനയോ ലഭിക്കണം.
കൂടുതൽ വിവരങ്ങൾക്ക്: 0471-2512662/2453/2670, www.niyamasabha.org
