എച്ച്ഡിസി: ഇപ്പോൾ അപേക്ഷിക്കാം
2018 ഓഗസ്റ്റിൽ സംസ്ഥാന സഹകരണ യൂണിയന്‍റെ ആഭിമുഖ്യത്തിൽ ആരംഭിക്കുന്ന ഹയർ ഡിപ്ലോമ ഇൻ കോ ഓപ്പറേഷന്‍ ആൻഡ് ബിസിനസ് മാനേജ്മെന്‍റ് കോഴ്സിലേക്ക് അപേക്ഷ ക്ഷണിച്ചു.
യോഗ്യത: സർവകലാശാല ബിരുദമോ തത്തുല്യമായി കേരള സർക്കാർ അംഗീകരിച്ചിട്ടുള്ള മറ്റ് ഏതെങ്കിലും ബിരുദമോ .
പ്രായം: ജൂലൈ ഒന്നിന് 40 വയസ് കവിയരുത്. പട്ടികജാതി/പട്ടികവർഗ വിഭാഗക്കാരുടെ ഉയർന്ന പ്രായപരിധി 45 വയസും ഒബിസി വിഭാഗക്കാർക്ക് 43 വയസുമാണ്.
സഹകരണസംഘം ജീവനക്കാർക്ക് ഉയർന്ന പ്രായപരിധി ബാധകമല്ല.
അപേക്ഷാ ഫോറം സഹകരണ പരിശീലന കോളജുകളിൽനിന്ന് ലഭിക്കും. തിരുവനന്തപുരം, ചേർത്തല, ആറന്മുള, കോട്ടയം, പാലാ, നോർത്ത് പറവൂർ, തൃശൂർ, പാലക്കാട്, തിരൂർ, കോഴിക്കോട്, തലശേരി, കാഞ്ഞങ്ങാട് എന്നിവിടങ്ങളിലാണ് കോളജുകൾ പ്രവൃത്തിക്കുന്നത്.
അപേക്ഷാ ഫോറം 100 രൂപയ്ക്ക് നേരിട്ടും മണിയോഡർ മുഖേന 130 രൂപയ്ക്കും ലഭിക്കും (പട്ടികജാതി/ പട്ടികവർഗ വിഭാഗക്കാർക്ക് 50 രൂപയ്ക്കും മണിയോഡർ മുഖേന 80 രൂപയ്ക്കും ലഭിക്കും).
മണിയോർഡർ ജൂലൈ പത്തുവരെ മാത്രമേ സ്വീകരിക്കുകയുള്ളൂ.
പൂരിപ്പിച്ച അപേക്ഷകൾ അതത് സഹകരണ പരിശീലന കോളജ് പ്രിൻസിപ്പൽമാർക്ക് ജൂലൈ 16ന് വൈകീട്ട് അഞ്ചിനു മുൻപ് ലഭിക്കണം .
കൂടുതൽ വിവരങ്ങൾക്ക്: www.scukerala.org
