ഇംഗ്ലീഷ് എൻറിച്ച്മെൻറ് പ്രോഗ്രാം: കൂടിക്കാഴ്ച നവംബര്‍ അഞ്ചിന്
പത്തനംതിട്ട : പൊതുവിദ്യാഭ്യാസ വകുപ്പിൻറെ സര്‍ക്കാര്‍ പ്രൈമറി സ്‌കൂള്‍ വിദ്യാര്‍ഥികളുടെ ഇംഗ്ലീഷ് പരിജ്ഞാനം വര്‍ധിപ്പിക്കുന്നതിനായി ആരംഭിക്കുന്ന ഇംഗ്ലീഷ് എന്റിച്ച്മെൻറ് പ്രോഗ്രാമിലേക്ക് റിസോഴ്സസ് അധ്യാപകരെ തിരഞ്ഞെടുക്കുന്നതിനായി നവംബര്‍ അഞ്ചിന് രാവിലെ 10:30ന് പത്തനംതിട്ട വിദ്യാഭ്യാസ ഉപഡയറക്ടറുടെ തിരുവല്ലയിലെ കാര്യാലയത്തില്‍ കൂടിക്കാഴ്ച നടത്തും.
എന്‍എസ്‌ക്യൂഎഫ് കോഴ്‌സായ സിഇറ്റി പാസായവരോ, അസാപ്പിൻറെ സ്‌കില്‍ ഡവലപ്മെൻറ് എക്സിക്യൂട്ടീവ് പരിശീലനം ലഭിച്ചവരോ ആയ ഉദ്യോഗാര്‍ഥികള്‍ക്ക് പങ്കെടുക്കാം. ഇംഗ്ലീഷ് ഭാഷയില്‍ ബിരുദവും ബി.എഡ് യോഗ്യതയും ഉള്ളവര്‍ക്ക് മുന്‍ഗണന.
കൂടുതല്‍ വിവരങ്ങള്‍ക്ക് വിദ്യാഭ്യാസ ഉപഡയറക്ടറുടെ കാര്യാലയം, തിരുവല്ലയില്‍ ബന്ധപ്പെടാം.
ഫോണ്‍: 0469 2 600 181.
