കോസ്റ്റ് ഗാർഡിൽ അസിസ്റ്റന്‍റ് കമൻഡൻറ്
അസിസ്റ്റന്‍റ് കമൻഡൻറ് ബാച്ചിലേക്ക് ഇന്ത്യൻ കോസ്റ്റ് ഗാർഡ്അപേക്ഷ ക്ഷണിച്ചു .
എൻജിനിയർ , ജനറൽ ഡ്യൂട്ടി ഓഫീസർ, പൈലറ്റ്, തസ്തികകളിലാണ് ഒഴിവുകൾ.
അസിസ്റ്റന്‍റ് കമൻഡൻറ് റാങ്കിലുള്ള ഗ്രൂപ്പ് എ ഗസറ്റഡ് ഓഫീസർ തസ്തികയിലായിരിക്കും നിയമനം.
ഓണ്‍ലൈൻ വഴിയാണ് അപേക്ഷിക്കേണ്ടത്.
മുംബൈ, കോൽക്കത്ത, ചെന്നൈ, നോയിഡ എന്നിവിടങ്ങളിൽ വച്ചായിരിക്കും പ്രാഥമിക തെരഞ്ഞെടുപ്പ്.
ഓരോ തസ്തികയ്ക്കും വേണ്ട യോഗ്യത, പ്രായപരിധി.
1. ജനറൽഡ്യൂട്ടി (പുരുഷൻ), ഫിസിക്സ്, കെമിസ്ട്രി വിഷയങ്ങളിൽ 60 ശതമാനംമാർക്കോടെ പ്ലസ്ടു. ഏതെങ്കിലും വിഷയത്തിൽ 55 ശതമാനം മാർക്കോടെ ബിരുദം. 1-07-1996 നും 30-06-2000നും ഇടയിൽ (രണ്ടുതീയതികളും ഉൾപ്പെടെ) ജനിച്ചവർ മാത്രം അപേക്ഷിച്ചാൽ മതി.
2. ജനറൽഡ്യൂട്ടി- പൈലറ്റ്, നാവിഗേറ്റർ/ ഒബ്സേർവർ(പുരുഷൻമാർ)- ഫിസിക്സ്, കെമിസ്ട്രി എന്നിവയിൽ 55 ശതമാനം മാർക്കോടെ പ്ലസ്ടു. 60 ശതമാനംമാർക്കോടെ ഫിസിക്സ്/ മാത്തമാറ്റിക്സ് ബിഎസ്‌സി
01- 07- 1995 നും 30 -06- 2000 നും ഇടയിൽ (രണ്ടുതീയതികളും ഉൾപ്പെടെ) ജനിച്ചവർമാത്രം അപേക്ഷിച്ചാൽ മതി.
3. ടെക്നിക്കൽ ബ്രാഞ്ച്- പുരുഷൻമാർ (മെക്കാനിക്കൽ, ഇലക്‌ട്രിൽ)-നേവൽ ആർക്കിടെക്ചർ/ മെക്കാനിക്കൽ/ മറൈൻ/ ഓട്ടോമോട്ടീവ്/ മെക്കാട്രോണിക്സ്/ ഇൻഡസ്ട്രിയൽ/ പ്രൊഡക്ഷൻ/ മെറ്റലർജി/ ഡിസൈൻ/ ഇലക്‌ട്രിക്കൽ/ ഇലക്‌ട്രോണിക്സ്/ ടെലികമ്യൂണിക്കേഷൻ/ ഇൻസ്ട്രുമെന്‍റേഷൻ/ ഇൻസ്ട്രുമെന്‍റേഷൻ ആൻഡ് കണ്ട്രോൾ/ ഇലക്‌ട്രോണിക്സ് ആൻഡ് കമ്യൂണിക്കേഷൻ/ പവർ എൻജിനിയറിംഗ്/ പവർ ഇലക്‌ട്രോണിക്സ് ബ്രാഞ്ചുകളിൽ 55 ശതമാനം മാർക്കോടെ ബിഇ/ബിടെക് ബിരുദം.
ഫിസിക്സിലും മാത്തമാറ്റിക്സിലും 60 ശതമാനംമാർക്കോടെ പ്ലസ്ടു അല്ലെങ്കിൽ 60 ശതമാനംമാർക്കോടെ ത്രിവത്സര ഡിപ്ലോമ. 01-07-1996നും 30-06-2000നും ഇടയിൽ ജനിച്ചവർമാത്രം അപേക്ഷിച്ചാൽ മതി (രണ്ടു തീയതികളും ഉൾപ്പെടെ).
കൂടുതൽ വിവരങ്ങൾ www.joincoastguard.gov.in എന്ന വെബ്സൈറ്റിൽ ലഭിക്കും.
