കരസേനയിൽ ടെക്നിക്കൽ എൻട്രി: പ്ലസ്ടുക്കാർക്കു അപേക്ഷിക്കാം
പ്ലസ് ടു വിജയിച്ച അവിവാഹിതരായ പുരുഷൻമാർക്ക് കരസേനയിൽ ടെക്നിക്കൽ എൻട്രി സ്കീം (പെർമനന്‍റ് കമ്മീഷൻ) 41-ാം കോഴ്സിലേക്ക് അപേക്ഷിക്കാം. 90 ഒഴിവുകളാണുള്ളത്.
2020 ജനുവരിയിൽ കോഴ്സ് ആരംഭിക്കും.
പ്രായം: 16.5-19.5. 2000ജൂലൈ ഒന്നിനു മുന്പും 2003ജൂലൈ ഒന്നിനു ശേഷവും ജനിച്ചവരായിരിക്കരുത്.
യോഗ്യത: ഫിസിക്സ്, കെമിസ്ട്രി, മാത്തമാറ്റിക്സ് എന്നിവ പഠിച്ചു കുറഞ്ഞത് 70% മാർക്കോടെ പ്ലസ്ടു ജയം/തത്തുല്യം.
പരിശീലനം അഞ്ചു വർഷം. പരിശീലനം പൂർത്തിയാക്കുന്നവർക്ക് എൻജിനിയറിംഗ് ബിരുദവും ലഭിക്കും.
വിജയകരമായ പരിശീലനത്തിനുശേഷം ലഫ്റ്റനന്‍റ് റാങ്കിൽ നിയമനം ലഭിക്കും.
പരിശീലനം തീരും വരെ വിവാഹിതരാവാൻ പാടില്ല.
വിശദവിവരങ്ങൾ www.joinindianarmy.nic.in എന്ന വെബ്സൈറ്റിൽ ലഭിക്കും.
ഓണ്‍ലൈനായാണ് അപേക്ഷിക്കേണ്ടത്.
അപേക്ഷ സ്വീകരിക്കുന്ന അവസാന തീയതി നവംബർ 13.
