കനറാ ബാങ്ക് പ്രൊബേഷണറി ഓഫീസർ: 800 ഒഴിവുകൾ
മണിപ്പാൽ പോസ്റ്റ് ഗ്രാജ്വേറ്റ് ഡിപ്ലോമ ഇൻ ബാങ്കിംഗ് ആൻഡ് ഫിനാൻസ് (പിജി-ഡിബിഎഫ്) കോഴ്സിലൂടെയുള്ള പ്രൊബേഷണറി ഓഫീസർ റിക്രൂട്ട്മെന്‍റിന് കനറാ ബാങ്ക് അപേക്ഷ ക്ഷണിച്ചു. ബംഗളൂരുവിലെ മണിപ്പാൽ ഗ്ലോബൽ എഡ്യൂക്കേഷൻ സർവീസസ് പ്രൈവറ്റ് ലിമിറ്റ്ഡ്, മംഗളൂരുവിലെ എൻഐടിടിഇ എഡ്യൂക്കേഷൻ ഇന്‍റർനാഷണൽ പ്രൈവറ്റ് ലിമിറ്റഡ് എന്നിവയാണ് ഒരു വർഷത്തെ പിജി ഡിബിഎഫ് കോഴ്സ് നടത്തുന്നത്.
പ്രൊബേഷണറി ഓഫീസർ: 800 ഒഴിവ്. (ജനറൽ: 404, ഒബിസി: 216, എസ്‌സി: 120, എസ്ടി: 60).
പ്രായം: 20 -30 വയസ്. 2018 ഒക്ടോബർ ഒന്ന് അടിസ്ഥാനമാക്കിയാണ് പ്രായം കണക്കാക്കുക.
യോഗ്യത: അറുപതു ശതമാനം മാർക്കോടെ അംഗീകൃത സർവകലാശാല ബിരുദം. എസ്‌സി, എസ്ടി, വികലാംഗ വിഭാഗത്തിൽപ്പെടുന്നവർക്ക് 55 ശതമാനം മാർക്ക് മതി.
ഫീസ്: 708 രൂപ. എസ്‌സി, എസ്ടി, വികലാംഗവിഭാഗക്കാർക്ക് 118 രൂപ.
അപേക്ഷിക്കേണ്ട വിധം: www.canarabank.com എന്ന വെബ്സൈറ്റിലൂടെ ഓൺലൈനായി അപേക്ഷ സമർപ്പിക്കുക.
അപേക്ഷ സ്വീകരിക്കുന്ന അവസാന തീയതി നവംബർ 11.
