സെന്‍റർ ഫോർ ഡവലപ്മെന്‍റ് സ്റ്റഡീസ്സില്‍ എംഎ: അപേക്ഷ ക്ഷണിച്ചു
തിരുവനന്തപുരത്തെ സെന്‍റർ ഫോർ ഡവലപ്മെന്‍റ് സ്റ്റഡീസ് (സിഡിഎസ്). നടത്തുന്ന അപ്ലൈഡ് ഇക്കണോമിക്സ് എംഎ കോഴ്സിന് ഇപ്പോൾ അപേക്ഷിക്കാം.നാലു സെമസ്റ്ററായി രണ്ടു വർഷം ദൈർഘ്യമുള്ള കോഴ്സ്
ജൂലൈ 26 ന് ആരംഭിക്കും. കോഴ്സ് വിജയകരമായി പൂർത്തിയാക്കുന്നവർക്കു ന്യൂഡൽഹിയിലെ ജവഹർലാൽ നെഹ്റു യൂണിവേഴ്സിറ്റിയുടെ ബിരുദമാണു നൽകുക.
ഏതെങ്കിലും വിഷയത്തിൽ 50 ശതമാനം മാർക്കോടെ ബിരുദം നേടിയവർക്കും അവസാനവർഷ വിദ്യാർഥികൾക്കും അപേക്ഷിക്കാം. സംവരണ വിഭാഗങ്ങൾക്ക് 40 ശതമാനം മാർക്കു മതി. മേയ് 20 ന് തിരുവനന്തപുരം, കോഴിക്കോട്, ഹൈദരാബാദ്, കോൽക്കത്ത, പൂന, ന്യൂഡൽഹി എന്നിവിടങ്ങളിൽ നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് പ്രവേശനം.
പ്രവേശന പരീക്ഷയ്ക്ക് ബിഎ ഇക്കണോമിക്സ് സിലബസിനെ അടിസ്ഥാനമാക്കിയുള്ളതും ദേശീയ, അന്തർദേശീയ സാന്പത്തിക സ്ഥിതി അടിസ്ഥാനമാക്കിയുള്ളതുമായ ചോദ്യങ്ങൾ ഉണ്ടായിരിക്കും.
അപേക്ഷയുടെ പ്രിന്‍റൗട്ടു ബന്ധപ്പെട്ട രേഖകളും സിഡിഎസിന്‍റെ പേരിൽ തിരുവനന്തപുരത്തു മാറാവുന്ന 300 രൂപയുടെ ഡിഡി സഹിതം ഏപ്രിൽ 11 നകം ലഭിക്കണം.
കൂടുതൽ വിവരങ്ങൾ http://cds.edu എന്ന വെബ് സൈറ്റിൽ ലഭിക്കും
ഫോണ്: 471 – 2774253/4.
