കരസേനയിൽ പ്ലസ് ടുക്കാർക്കു ടെക്നിക്കൽ എൻട്രി
കരസേനയിൽ പ്ലസ് ടു ടെക്നിക്കൽ എൻട്രി സ്കീം (പെർമനന്‍റ് കമ്മീഷൻ) 40-ാം കോഴ്സിലേക്ക് അവിവാഹിതരായ പുരുഷൻമാർക്ക് അപേക്ഷിക്കാം. 90 ഒഴിവുകളാണുള്ളത്. 2019 ജനുവരിയിൽ കോഴ്സ് ആരംഭിക്കും. ഓണ്‍ലൈൻ വഴി മാത്രം അപേക്ഷിക്കുക.
പ്രായം: 16.5-19.5. 1999 ജൂലൈ ഒന്നിനു മുന്പും 2002 ജൂലൈ ഒന്നിനു ശേഷവും ജനിച്ചവരായിരിക്കരുത്.
യോഗ്യത: ഫിസിക്സ്, കെമിസ്ട്രി, മാത്തമാറ്റിക്സ് എന്നിവ പഠിച്ചു കുറഞ്ഞത് 70% മാർക്കോടെ പ്ലസ് ടു ജയം/തത്തുല്യം.
പരിശീലനം അഞ്ചു വർഷം. പരിശീലനം പൂർത്തിയാക്കുന്നവർക്ക് എൻജിനിയറിംഗ് ബിരുദവും ലഭിക്കും. വിജയകരമായ പരിശീലനത്തിനുശേഷം ലഫ്റ്റനന്‍റ് റാങ്കിൽ നിയമനം ലഭിക്കും. വിശദവിവരങ്ങൾക്ക് : www.joinin dianarmy.nic.in എന്ന വെബ്സൈറ്റിലെ വിജ്ഞാപനം കാണുക. തെരഞ്ഞെടുപ്പ്: ഷോർട്ട് ലിസ്റ്റ് ചെയ്യപ്പെടുന്നവരെ ഓഗസ്റ്റ്/സെപ്റ്റംബറിൽ ഭോപ്പാൽ, ബാംഗളൂരു, അലഹാബാദ് എന്നിവിടങ്ങളിൽ നടക്കുന്ന എസ്എസ്ബി ഇന്‍റർവ്യൂവിനു ക്ഷണിക്കും. രണ്ടു ഘട്ടങ്ങളിലായി അഞ്ചു ദിവസമാണ് ഇന്‍റർവ്യൂ. സൈക്കോളജിക്കൽ ടെസ്റ്റ്, ഗ്രൂപ്പ് ടെസ്റ്റ് എന്നിവയുമുണ്ടാകും. ആദ്യ ഘട്ടത്തിൽ വിജയിക്കുന്നവരെ മാത്രമേ തുടർന്നു പങ്കെടുപ്പിക്കുകയുള്ളൂ. വൈദ്യ പരിശോധനയുമുണ്ടാകും. ആദ്യമായി എസ്എസ്ബി ഇന്‍റർവ്യൂവിൽ പങ്കെടുക്കുന്നവർക്ക് യാത്രാബത്ത നൽകും. സ്റ്റൈപ്പൻഡ്: 21,000 രൂപ.
അപേക്ഷിക്കേണ്ട വിധം: www.joinindianarmy.nic.in മുഖേന ഓണ്‍ലൈൻ അപേക്ഷ സമർപ്പിക്കണം.
വിശദവിവരങ്ങൾ വെബ്സൈറ്റിൽ ലഭിക്കും
