സ്കൂൾ ഓഫ് പ്ലാനിങ് ആൻഡ്ആർകിടെക്ചറിൽ അസി. പ്രൊഫസർ

ന്യൂഡൽഹി സ്കൂൾ ഓഫ് പ്ലാനിങ് ആൻഡ് ആർകിടെക്ചറിൽ അസി. പ്രൊഫസർ ഒഴിവിലേക്ക് അപേക്ഷ ക്ഷണിച്ചു. 47 ഒഴിവുണ്ട്. കരാർ അടിസ്ഥാനത്തിലാണ് നിയമനം.
ലാൻഡ് സ്കേപ് ആർകിടെക്ചർ 4, ഹൗസിങ് 2, അർബൻ ഡിസൈൻ 3, ഇൻഡസ്ട്രിയൽ ഡിസൈൻ 2, ആർകിടെക്ചറൽ കൺസർവേഷൻ 1, റീജണൽ പ്ലാനിങ് 2, ഫിസിക്കൽ പ്ലാനിങ് 2, എൻവയോൺമെന്റൽ പ്ലാനിങ് 2, ട്രാൻസ്പോർട് പ്ലാനിങ് 2, ബിൽഡിങ് എൻജിനിയറിങ് ആൻഡ് മാനേജ്മെന്റ് 2, അർബൻ പ്ലാനിങ് 3, ആർകിടെക്ചർ 22 എന്നിങ്ങനെയാണ് ഒഴിവുകൾ.

യോഗ്യത: ബന്ധപ്പെട്ട വിഷയത്തിൽ കുറഞ്ഞത് 60 ശതമാനം മാർക്കോടെ ബിരുദം/ ബിരുദാനന്തര ബിരുദം

അപേക്ഷാഫോറത്തിന്റെ മാതൃകയും വിശദവിവരവും www.spa.ac.in ൽ ലഭിക്കും.