എസ്ബിഐയിൽ 2,000 ഒഴിവുകൾ
സ്റ്റേറ്റ് ബാങ്ക് ഓഫ് ഇന്ത്യയിൽ പ്രൊബേഷണറി ഓഫീസർ തസ്തികയിലെ 2,000 ഒഴിവുകളിലേക്ക് അപേക്ഷ ക്ഷണിച്ചു.
യോഗ്യത- കേന്ദ്ര സർക്കാരിന്‍റെ അംഗീകാരമുള്ള യൂണിവേഴ്സിറ്റി, സ്ഥാപനം എന്നിവയിൽനിന്ന് ഏതെങ്കിലും ബിരുദം. അവസാന വർഷക്കാർക്കും അപേക്ഷിക്കാം. അവസാന വർഷക്കാർ 2018 ജൂലൈ ഒന്നിന് മുന്പ് ബിരുദം പാസായി എന്ന രേഖ ഇന്‍റർവ്യൂവിനു ക്ഷണിക്കപ്പെട്ടാൽ ഹാജരാക്കണം.
പ്രായം- 2018 ഏപ്രിൽ ഒന്ന് അടിസ്ഥാനമാക്കി 21- 30 വയസ്. 02-04-1988നും 01-04-1997 നും ഇടയിൽ ജനിച്ചവരായിരിക്കണം.
അപേക്ഷ സ്വീകരിക്കുന്ന അവസാന തീയതി- മേയ് 13.
അപേക്ഷിക്കേണ്ടവിധം- സ്റ്റേറ്റ് ബാങ്കിന്‍റെ വെബ്സൈറ്റിലൂടെ ഓണ്‍ലൈനായി അപേക്ഷ സമർപ്പിക്കാവുന്നതാണ്. അപേക്ഷാഫോം സമർപ്പിച്ച ശേഷം ഉദ്യോഗാർഥികൾ ഓണ്‍ലൈൻ ആപ്ലിക്കേഷൻ ഫോമിന്റെ പ്രിന്‍റൗട്ട് എടുക്കണം.
കൂടുതൽ വിവരങ്ങൾ www.sbi.co.in എന്ന വെബ്സൈറ്റിൽ ലഭിക്കും.
