സി.ബി.എസ്.ഇ സ്‌കൂളിൽ പ്രിൻസിപ്പാൾ ഒഴിവ്
സംസ്ഥാന പട്ടികവർഗ റസിഡൻഷ്യൽ എഡ്യൂക്കേഷണൽ സൊസൈറ്റിയുടെ നിയന്ത്രണത്തിൽ പട്ടികവർഗ വികസന വകുപ്പിനു കീഴിൽ പ്രവർത്തിക്കുനന ഞാറനീലി സി.ബി.എസ്.ഇ സ്‌കൂളിലേക്ക് 2021-22 അധ്യയന വർഷത്തേക്ക് കരാർ അടിസ്ഥാനത്തിൽ പ്രിൻസിപ്പാളിനെ നിയമിക്കുന്നതിന് അപേക്ഷ ക്ഷണിച്ചു.
യോഗ്യത : അംഗീകൃത സർവകലാശാലയിൽ നിന്നും ഏതെങ്കിലും വിഷയത്തിൽ 50 ശതമാനം മാർക്കിൽ കുറയാതെ നേടിയ ബിരുദാനന്തര ബിരുദവും ടീച്ചിംഗ് ഡിഗ്രിയും (ബി.എഡ്) . സി.ബി.എസ്.ഇ അഫിലിയേറ്റഡ് സീനിയർ സെക്കണ്ടറി സ്‌കൂളിൽ കുറഞ്ഞത് 5 വർഷം പ്രിൻസിപ്പാളായി/വൈസ് പ്രിൻസിപ്പാളായി ജോലിനോക്കിയ പ്രവൃത്തി പരിചയം വേണം. കമ്പ്യൂട്ടർ പരിജ്ഞാനം അഭികാമ്യം.
പ്രായം 35 നം 58 നും മദ്ധ്യേ.
പ്രതിമാസ ഓണറേറിയം: 44,020 രൂപ
റസിഡൻഷ്യൽ സ്വാഭാവമുള്ളതിനാൽ സ്‌കൂളിൽ താമസിച്ച് ജോലി ചെയ്യുന്നതിന് സമ്മതമുള്ളവർ മാത്രം അപേക്ഷിച്ചാൽ മതിയാകും. കരാർ കാലാവധിയിൽ യോഗ്യതാ പ്രമാണങ്ങളുടെ അസൽ, ബന്ധപ്പെട്ട ഓഫീസിൽ സമർപ്പിക്കണം. കാലാവധി പൂർത്തിയാകുന്ന മുറയ്ക്ക് മാത്രം തിരികെ നൽകും.
തെരഞ്ഞെടുക്കപ്പെടുന്നവർക്ക് നിബന്ധനകൾക്കു വിധേയമായി മാർച്ച് 31 വരെയാണ് കരാർ നിയമനം നൽകുക.
അപേക്ഷിക്കേണ്ട വിലാസം: പട്ടികവർഗ വികസന വകുപ്പ് ഡയറക്ടർ, നാലാം നില, വികാസ്ഭവൻ, തിരുവനന്തപുരം – 695 033.
കൂടുതൽ വിവരങ്ങൾക്കായി 0471 2304594, 2303229 എന്നീ നമ്പറുകളിൽ ബന്ധപ്പെടുക.
അപേക്ഷ സ്വീകരിക്കുന്ന അവസാന തീയതി: ജൂൺ 21.
