പ്ലസ്ടുക്കാർക്ക് കരസേനയിൽ അവസരം
പ്ലസ്ടു ടെക്നിക്കൽ എൻട്രി സ്കീം (പെർമനന്‍റ് കമ്മീഷൻ) 44-ാമത് കോഴ്സിലേക്ക് കരസേന അവിവാഹിതരായ യുവാക്കളിൽ നിന്ന് അപേക്ഷ ക്ഷണിച്ചു.
ഒഴിവുകൾ : 90
പ്രായം: 16.5-19.5 – 2001 ജൂലൈ രണ്ടിനു മുന്പും 2004 ജൂലൈ ഒന്നിനു ശേഷവും ജനിച്ചവരായിരിക്കരുത്.
യോഗ്യത: പ്ലസ്ടു ജയം/തത്തുല്യം. ഫിസിക്സ്, കെമിസ്ട്രി, മാത്തമാറ്റിക്സ് എന്നിവ പഠിച്ചു കുറഞ്ഞത് 70% മാർക്കുണ്ടായിരിക്കണം
പരിശീലനം അഞ്ചു വർഷം.
പരിശീലനം പൂർത്തിയാക്കുന്നവർക്ക് എൻജിനിയറിംഗ് ബിരുദവും ലഭിക്കും. വിജയകരമായ പരിശീലനത്തിനുശേഷം ലഫ്റ്റനന്‍റ് റാങ്കിൽ നിയമനം ലഭിക്കും. പരിശീലനം തീരും വരെ വിവാഹിതരാവാൻ പാടില്ല.
തെരഞ്ഞെടുപ്പ്: ഷോർട്ട്ലിസ്റ്റ് ചെയ്യപ്പെടുന്നവരെ ഓഗസ്റ്റ്/സെപ്റ്റംബറിൽ ഭോപ്പാൽ, ബാംഗളൂരു, അലഹാബാദ് എന്നിവിടങ്ങളിൽ നടക്കുന്ന എസ്എസ്ബി ഇന്‍റർവ്യൂവിനു ക്ഷണിക്കും. രണ്ടു ഘട്ടങ്ങളിലായി അഞ്ചു ദിവസമാണ് ഇന്‍റർവ്യൂ. സൈക്കോളജിക്കൽ ടെസ്റ്റ്, ഗ്രൂപ്പ് ടെസ്റ്റ് എന്നിവയുമുണ്ടാകും. ആദ്യ ഘട്ടത്തിൽ വിജയിക്കുന്നവരെ മാത്രമേ തുടർന്നു പങ്കെടുപ്പിക്കുകയുള്ളൂ. വൈദ്യ പരിശോധനയുമുണ്ടാകും. ആദ്യമായി എസ്എസ്ബി ഇന്‍റർവ്യൂവിൽ പങ്കെടുക്കുന്നവർക്ക് യാത്രാബത്ത നൽകും.
വിശദവിവരങ്ങൾക്ക് www.joinindianarmy.nic.in എന്ന വെബ്സൈറ്റിലെ വിജ്ഞാപനം കാണുക.
2021 ജനുവരിയിൽ കോഴ്സ് ആരംഭിക്കും.
ഓണ്‍ലൈൻ വഴി മാത്രം അപേക്ഷിക്കുക.
അപേക്ഷ സ്വീകരിക്കുന്ന അവസാന തീയതി: സെപ്റ്റം ബർ 09
