പിജിമെറിൽ 256 ഒഴിവുകൾ

വിവിധ തസ്തികകളിലായി 256 ഒഴിവുകളിലേലേക്ക് ചണ്ഡിഗഢിലെപോസ്റ്റ് ഗ്രാജ്വേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ എഡ്യൂക്കേഷൻ ആൻഡ് റിസേർച്ചിൽ (PGIMER)   അപേക്ഷ ക്ഷണിച്ചു. 195 ഒഴിവ് നഴ്സിംഗ് ഓഫീസറുടെതാണ്. ചണ്ഡിഗഡിലെ പിജിമെറിലും പഞ്ചാബിലെ സംഗ്രൂരിലുള്ള പിജിഐ സാറ്റലൈറ്റ് സെന്‍ററിലുമാണ് അവസരം.

നഴ്സിംഗ് ഓഫീസർ: 195 ഒഴിവ്.
ശമ്പളം : 44,900- 1,42,400 രൂപ.
യോഗ്യത: നഴ്സിംഗിൽ ബിഎസ്‌സി ഓണേഴ്സ്/ ബിഎസ്‌സി നഴ്സിംഗ് അല്ലെങ്കിൽ ജനറൽ നഴ്സിംഗ് ആൻഡ് മിഡ് വൈഫറിയിൽ ഡിപ്ലോമയും ഒരു വർഷത്തെ പ്രവൃത്തിപരിചയവും. അപേക്ഷകർ സ്റ്റേറ്റ് നഴ്സിംഗ് കൗണ്‍സിൽ നഴ്സ്/ നഴ്സ് ആൻഡ് മിഡ് വൈഫ് ആയി രജിസ്റ്റർ ചെയ്തവരായിരിക്കണം.
പ്രായം: 18- 35 വയസ്.

ജൂണിയർ അഡ്മിനിസ്ട്രേറ്റീവ് അസിസ്റ്റന്‍റ് (എൽഡിസി): 37 ഒഴിവ്.
യോഗ്യത: പന്ത്രണ്ടാംക്ലാസ്/ തത്തുല്യം. കംപ്യൂട്ടറിൽ മിനിറ്റിൽ 35 വാക്ക്/ ഹിന്ദി 30 വാക്ക് ടൈപ്പിംഗ് വേഗം. പ്രായം: 18- 30 വയസ്.

ജൂണിയർ ലാബ് ടെക്നീഷ്യൻ: 10 ഒഴിവ്.
ശന്പളം: 35,400- 1,12,400 രൂപ.
യോഗ്യത: ബിഎസ്‌സി മെഡിക്കൽ ലാബ് ടെക്നോളജി അല്ലെങ്കിൽ ബിഎസ്‌സിയും മെഡിക്കൽ ലാബ് ടെക്നോളജിയിൽ ഡിപ്ലോമയും.
പ്രായം: 18 -30 വയസ്.

ജൂണിയർ ടെക്നീഷ്യൻ (എക്സ്റെ): രണ്ട് ഒഴിവ്.
യോഗ്യത: ബിഎസ്‌സി മെഡിക്കൽ ടെക്നോളജി (എക്സ്റെ)/ ബിഎസ്‌സി മെഡിക്കൽ ടെക്നോളജി റേഡിയോളജി/ ബിഎസ്‌സി മെഡിക്കൽ ടെക്നോളജി റേഡിയോ ഡയഗ്നോസിസ്/ ബിഎസ്‌സി മെഡിക്കൽ ടെക്നോളജി റേഡിയോ ഡയഗ്നോസിസ് ആൻഡ് ഇമേജിംഗ് ടെക്നോളജി.

പ്രായം: 18- 30 വയസ്.

മറ്റ് ഒഴിവുകൾ: മെഡിക്കൽ ഓഫീസർ- 1, അസിസ്റ്റന്‍റ് അഡ്മിനിസ്ട്രേറ്റീവ് ഓഫീസർ- 1, സ്റ്റോർ കീപ്പർ- 1, ജൂണിയർ സ്പീച്ച് തെറാപ്പിസ്റ്റ്- 1, മെഡിക്കൽ റെക്കോഡ് ടെക്നീഷ്യൻ- 2, സിഎസ്ആർ അസിസ്റ്റന്‍റ് ഗ്രേഡ് II- 2, ലാബോറട്ടറി അറ്റൻഡന്‍റ് ഗ്രേഡ് II- 2, മെയിൻ ഫോൾഡ് ടെക്നീഷ്യൻ ഗ്രേഡ് IV- 2.

സംവരണ തസ്തികകളിൽ അതത് വിഭാഗക്കാർക്ക് ഉയർന്ന പ്രായപരിധിയിൽ ഇളവ് ലഭിക്കും. എസ്‌സി, എസ്ടി വിഭാഗക്കാർക്ക് അഞ്ചു വർഷത്തെയും ഒബിസി വിഭാഗക്കാർക്ക് മൂന്നു വർഷത്തെയും ഇളവ് ലഭിക്കും. ഭിന്നശേഷിക്കാർക്കും വിമുക്തഭടൻമാർക്കും നിയമാനുസൃത ഇളവ് ലഭിക്കും.

അപേക്ഷാ ഫീസ്: ജനറൽ, ഒബിസി, ഇഡബ്ല്യുഎസ് വിഭാഗക്കാർക്ക് 1500 രൂപയും എസ്‌സി, എസ്ടി വിഭാഗക്കാർക്ക് 800 രൂപയുമാണ് ഫീസ്.
ഭിന്നശേഷിക്കാർക്ക് ഫീസ് ബാധകമല്ല. ഓണ്‍ലൈനായാണ് ഫീസ് അടയ്ക്കേണ്ടത്.
കംപ്യൂട്ടർ അധിഷ്ഠിത പരീക്ഷ (സിബിടി) നടത്തിയാവും തിരഞ്ഞെടുപ്പ്. തിരുവനന്തപുരം പരീക്ഷാ കേന്ദ്രമാണ്.
അപേക്ഷ: ഓണ്‍ലൈനായാണ് അപേക്ഷ സമർപ്പിക്കേണ്ടത്.

www.pgimer.edu.in എന്ന വെബ്സൈറ്റ് സന്ദർശിക്കുക.
അപേക്ഷ സ്വീകരിക്കുന്ന അവസാന തീയതി നവംബർ 28.