മെക്കാനിക് : അപേക്ഷ ക്ഷണിച്ചു

ആലപ്പുഴ: മത്സ്യഫെഡ് ഒ.ബി.എം. സര്‍വ്വീസ് സെൻററുകളില്‍ വിവിധ ട്രേഡുകളില്‍ നിര്‍ദിഷ്ട യോഗ്യതയും തൊഴില്‍ പരിചയവും ഉള്ള മെക്കാനിക്കുകളെ നിയമിക്കുന്നു.

യോഗ്യത:- 1. ഐ.ടി.ഐ (ഫിറ്റര്‍, ഇലക്ട്രിക്കല്‍, മെഷിനിസ്റ്റ് എന്നീ ട്രേഡുകളില്‍ യോഗ്യതയുള്ളവരും ഒ.ബി.എം സര്‍വ്വീസിംഗില്‍ കുറഞ്ഞത് മൂന്ന് വര്‍ഷത്തെ പ്രവര്‍ത്തി പരിചയം. 2- നിര്‍ദ്ദിഷ്ട വിദ്യാഭ്യാസ യോഗ്യതയില്ലാത്തവരാണെങ്കില്‍ ഒ.ബി.എം സര്‍വ്വീസിംഗില്‍ കുറഞ്ഞത് 10 വര്‍ഷത്തെ പ്രവര്‍ത്തി പരിചയം. 3- ഹൈഡ്രോളിക് പ്രെസിങ് മെഷീന്‍ ഉപയോഗിച്ച് എന്‍ജിൻറെ ക്രാങ്ക് സെറ്റ് ചെയ്യുന്നതിനുള്ള പ്രാവീണ്യം.

അപേക്ഷകര്‍ വ്യക്തിഗത വിവരങ്ങളും യോഗ്യത തെളിയിക്കുന്ന സാക്ഷ്യപ്പെടുത്തിയ പകര്‍പ്പുകള്‍ സഹിതം അപേക്ഷ ഡിസംബര്‍ 20-ന് വൈകുന്നേരം നാലിന് മുന്‍പ് തപാലിലോ/നേരിട്ടോ മാനേജര്‍, മത്സ്യഫെഡ് ജില്ല ഓഫീസ്, കോണ്‍വെൻറ് സ്‌ക്വയര്‍, ആലപ്പുഴ-688001, 0477 2241597 എന്ന വിലാസത്തില്‍ ലഭിക്കണം.