കംബൈൻഡ് ഡിഫൻസ് സർവീസസ് പരീക്ഷ
യൂണിയൻ പബ്ലിക് സർവീസ് കമ്മീഷൻ നടത്തുന്ന കംബൈൻഡ് ഡിഫൻസ് സർവീസസ് (സിഡിഎസ്) എക്സാമിനേഷന് ഇപ്പോൾ അപേക്ഷിക്കാം. ഇന്ത്യൻ മിലിട്ടറി അക്കാഡമി, ഇന്ത്യൻ നേവൽ അക്കാഡമി, എയർ ഫോഴ്സ് അക്കാഡമി എന്നിവിടങ്ങളിലെ വിവിധ കോഴ്സുകളിലേക്കുള്ള പ്രവേശനത്തിനായാണ് സിഡിഎസ് പരീക്ഷ നടത്തുന്നത്. 341 ഒഴിവുകളാണ് പ്രതീക്ഷിക്കുന്നത്. 2023 ഏപ്രിലിൽ ആയിരിക്കും പരീക്ഷ.
1. ഇന്ത്യൻ മിലിട്ടറി അക്കാഡമി, ഡെറാഡൂണ്‍: (അവിവാഹിതരായ പുരുഷൻമാർക്ക്)-
ഒഴിവുകൾ. 100 (എൻസിസി(ആർമി വിംഗ്) സി സർട്ടിഫിക്കറ്റുള്ളവർക്കായി നീക്കി വച്ചിരിക്കുന്ന 13 ഒഴിവുകളുൾപ്പെടെ).
പ്രായം: 2000 ജനുവരി രണ്ടിനും 2005 ജനുവരി ഒന്നിനും മധ്യേ ജനിച്ചവരാകണം.
യോഗ്യത: അംഗീകൃത സർവകലാശാല ബിരുദം.
2. ഇന്ത്യൻ നേവൽ അക്കാഡമി, ഏഴിമല: എക്സിക്യൂട്ടീവ്(ഹൈഡ്രോ/ജനറൽ സർവീസ്)(അവിവാഹിതരായ പുരുഷൻമാർക്ക്)-
ഒഴിവുകൾ. 22 (എൻസിസി(നേവൽ വിംഗ്) സി സർട്ടിഫിക്കറ്റുള്ളവർക്കായി നീക്കി വച്ചിരിക്കുന്ന 6 ഒഴിവുകളുൾപ്പെടെ).
പ്രായം: 2000 ജനുവരി രണ്ടിനും 2005 ജനുവരി ഒന്നിനും മധ്യേ ജനിച്ചവരാകണം.
യോഗ്യത: എൻജിനിയറിംഗിൽ ബിരുദം.
3. എയർഫോഴ്സ് അക്കാഡമി, ഹൈദരാബാദ്: (പ്രീ-ഫ്ളൈയിംഗ്) ട്രെയിനിംഗ് കോഴ്സ്(അവിവാഹിതരായ പുരുഷൻമാർക്ക്)-
ഒഴിവുകൾ. 32
പ്രായം: 2000 ജനുവരി രണ്ടിനും 2005 ജനുവരി ഒന്നിനും മധ്യേ ജനിച്ചവരാകണം.
യോഗ്യത: ബിരുദവും ഫിസിക്സ്, മാത്തമാറ്റിക്സ് എന്നിവയുൾപ്പെടെ പ്ലസ്ടുവും അല്ലെങ്കിൽ എൻജിനിയറിംഗിൽ ബിരുദം.
4. ഓഫീസേഴ്സ് ട്രെയിനിംഗ് അക്കാഡമി, ചെന്നൈ: പുരുഷൻമാർക്കായുള്ള എസ്എസ്‌സി കോഴ്സ്
ഒഴിവുകൾ. -170
പ്രായം: 1999 ജനുവരി രണ്ടിനും 2005 ജനുവരി ഒന്നിനും മധ്യേ ജനിച്ചവരാകണം.
യോഗ്യത: അനുയോജ്യമായ ടെക്നിക്കൽ യോഗ്യത.
5. ഓഫീസേഴ്സ് ട്രെയിനിംഗ് അക്കാഡമി, ചെന്നൈ: എസ്എസ്‌സി (അവിവാഹിതരായ സ്ത്രീകൾ)(നോണ്-ടെക്നിക്കൽ) കോഴ്സ്-
ഒഴിവുകൾ. 17
പ്രായം: 1999 ജനുവരി രണ്ടിനും 2005 ജനുവരി ഒന്നിനും മധ്യേ ജനിച്ചവരാകണം.
യോഗ്യത: അനുയോജ്യമായ ടെക്നിക്കൽ യോഗ്യത.
പരീക്ഷാഫീസ്: 200 രൂപ. എസ്ബിഐയുടെ നെറ്റ് ബാങ്കിംഗ് മുഖേന ഫീസ് അടയ്ക്കാവുന്നതാണ്. എസ്‌സി/എസ്ടി വിഭാഗക്കാർക്കും സ്ത്രീകൾക്കും ഫീസില്ല.
അപേക്ഷ ഓണ്‍ലൈനായി മാത്രമേ സ്വീകരിക്കുകയുള്ളൂ.
അവസാന തീയതി: ജനുവരി 10.
www.upsconline.nic.in എന്ന വെബ്സൈറ്റ് വഴി അപേക്ഷ സമർപ്പിക്കുക.
കൂടുതൽ വിവരങ്ങൾക്ക് : www.upsc.gov.in
