വികസിത് ഭാരത് യൂത്ത് പാര്‍ലമെൻറ് രജിസ്‌ട്രേഷന്‍

തിരുഃ കേന്ദ്ര യുവജനകാര്യ കായിക മന്ത്രാലയം സംഘടിപ്പിക്കുന്ന വികസിത് ഭാരത് യൂത്ത് പാര്‍ലമെൻറ് മത്സരങ്ങളുടെ രജിസ്‌ട്രേഷന്‍ തുടങ്ങി.

യുവാക്കളുടെ അഭിപ്രായങ്ങള്‍ കേള്‍ക്കാനും ചര്‍ച്ച ചെയ്യാനുമുള്ള വേദിയൊരുക്കുന്ന പരിപാടിയില്‍ 2025 ഫെബ്രുവരി 24 ന് 18നും 25നും ഇടയില്‍ പ്രായമുള്ള യുവതീയുവാക്കള്‍ക്ക് പങ്കെടുക്കാം.

‘വികസിത ഭാരതം എന്നതുകൊണ്ട് എന്താണ് അര്‍ത്ഥമാക്കുന്നത്?’ എന്ന വിഷയത്തില്‍ ഒരു മിനിറ്റ് ദൈര്‍ഘ്യമുള്ള പ്രസംഗ വീഡിയോ മൈ ഭാരത് പോര്‍ട്ടലില്‍ അപ്പ്‌ലോഡ് ചെയ്താണ് രജിസ്റ്റര്‍ ചെയ്യേണ്ടത്. ഫെബ്രുവരി 27 മുതല്‍ മാര്‍ച്ച് 9 വരെയാണ് ഇതിനുള്ള സമയം. സംസ്ഥാനത്ത് നാല് സ്ഥലങ്ങളിലായാണ് ജില്ലാതല മത്സരങ്ങള്‍ സംഘടിപ്പിക്കുന്നത്. മാര്‍ച്ച് 17 നകം ജില്ലാ മത്സരങ്ങളും 20 നകം സംസ്ഥാനമത്സരങ്ങളും നടക്കും.

സംസ്ഥാന മത്സരത്തില്‍ വിജയികളാകുന്ന മൂന്ന് പേര്‍ക്കാണ് പാര്‍ലമെൻറ് മന്ദിരത്തില്‍ സംഘടിപ്പിക്കുന്ന ദേശീയതല മത്സരത്തില്‍ പങ്കെടുക്കാന്‍ അവസരം. രജിസ്റ്റര്‍ ചെയ്യാന്‍ https://mybharat.gov.in/mega_events/viksit-bharat-youth-parliament എന്ന പോര്‍ട്ടലില്‍ ലോഗിന്‍ ചെയ്യുക.

കൂടുതല്‍ വിവരങ്ങള്‍ക്ക് അതത് ജില്ലയിലെ നാഷണല്‍ സര്‍വീസ് സ്‌കീം പ്രോഗ്രാം ഓഫീസര്‍മാരുമായും നെഹ്‌റു യുവകേന്ദ്ര ജില്ലാ യൂത്ത് ഓഫീസര്‍മാരുമായി ബന്ധപ്പെടാം. ഫോണ്‍: 8714508255.