പഞ്ചവത്സര എല്‍എല്‍ബി: ഓപ്ഷന്‍ അവസരം

കേരളത്തിലെ നാല് സര്‍ക്കാര്‍ ലോ കോളേജുകളിലെയും സ്വകാര്യ സ്വാശ്രയ ലോ കോളേജുകളിലെയും 2017-18 വര്‍ഷത്തെ ഇന്റഗ്രേറ്റഡ് പഞ്ചവത്സര എല്‍എല്‍ബി കോഴ്സിലേക്ക് പ്രവേശനത്തിനുള്ള ഓണ്‍ലൈന്‍ ഓപ്ഷന്‍ രജിസ്ട്രേഷന്‍ ആരംഭിച്ചു.

റാങ്ക് ലിസ്റ്റില്‍ ഉള്‍പ്പെട്ടിട്ടുള്ള വിദ്യാര്‍ത്ഥികള്‍ക്ക് www.cee.kerala.gov.in എന്ന വെബ്സൈറ്റില്‍ ആഗസ്ത് അഞ്ചിന് വൈകിട്ട് അഞ്ചുവരെ ഓണ്‍ലൈനായി ഓപ്ഷനുകള്‍ രജിസ്റ്റര്‍ ചെയ്യാം. ഓണ്‍ലൈനായി രജിസ്റ്റര്‍ ചെയ്യുന്ന ഓപ്ഷനുകളുടെ അടിസ്ഥാനത്തില്‍ ആഗസ്ത് ആറിന് ഒന്നാംഘട്ട കേന്ദ്രീകൃത അലോട്ട്മെന്റ് പ്രസിദ്ധീകരിക്കും. അലോട്ട്മെന്റ് ലഭിക്കുന്ന വിദ്യാര്‍ഥികള്‍ ആഗസ്ത് ഏഴുമുതല്‍ 10 വരെ കോളേജുകളില്‍ പ്രവേശനം നേടണം.

അലോട്ട്മെന്റുമായി ബന്ധപ്പെട്ട കൂടുതല്‍ വിവരങ്ങള്‍ www.cee-kerala.org എന്ന വെബ്സൈറ്റില്‍ ലഭിക്കും