വനിതാ കോഡിനേറ്റർ, കമ്മ്യൂണിറ്റി ഫെസിലിറ്റേറ്റർ ഒഴിവുകൾ

തിരുവനന്തപുരം ജില്ലാ പഞ്ചായത്തിൻറെ 2026-27 വാർഷിക പദ്ധതിയിൽ ഉൾപ്പെടുത്തിയിട്ടുള്ള ജ്വാലാ ജാഗ്രത സമിതി പദ്ധതിയുടെ ഭാഗമായി കോഡിനേറ്റർ, കമ്മ്യൂണിറ്റി വിമൻസ് ഫെസിലിറ്റേറ്റർ തസ്തികകളിലേക്ക് വാക്ക്-ഇൻ-ഇൻറർവ്യൂ നടത്തും. ജൂലൈ 7-ന് രാവിലെ 11 മണിക്ക് തിരുവനന്തപുരം ജില്ലാ പഞ്ചായത്ത് ഓഫീസിലാണ് അഭിമുഖം.

കോഡിനേറ്റർ തസ്തികയിൽ ഒരു ഒഴിവാണുള്ളത്.
പ്രതിമാസ ഓണറേറിയം: 25,000 രൂപ.
25 മുതൽ 45 വയസ്സ് വരെയുള്ള വനിതകൾക്ക് അപേക്ഷിക്കാം.
അംഗീകൃത സർവകലാശാലയിൽ നിന്ന് എം.എസ്.ഡബ്ല്യു./ സൈക്കോളജി/ സോഷ്യോളജി/ സോഷ്യൽ വർക്ക്/ വിമൺ സ്റ്റഡീസ് വിഷയങ്ങളിലേതെങ്കിലും ഒന്നിൽ റെഗുലർ ബിരുദാനന്തര ബിരുദവും കമ്പ്യൂട്ടർ പരിജ്ഞാനവും സ്ത്രീ ശാക്തീകരണ മേഖലയിൽ അഞ്ചു വർഷത്തെ പ്രവൃത്തിപരിചയവും ഉണ്ടായിരിക്കണം.

കമ്മ്യൂണിറ്റി വിമൻസ് ഫെസിലിറ്റേറ്റർ തസ്തികയിലും ഒരു ഒഴിവാണുള്ളത്.
പ്രതിമാസ ഓണറേറിയം 17,000 രൂപ.
25 മുതൽ 45 വയസ്സ് വരെയുള്ള തിരുവനന്തപുരം ജില്ലയിലെ സ്ഥിരതാമസക്കാരായ വനിതകൾക്ക് അപേക്ഷിക്കാം.
എം.എസ്.ഡബ്ല്യു./ സൈക്കോളജി/ സോഷ്യോളജി/ സോഷ്യൽ വർക്ക്/ വിമൺ സ്റ്റഡീസ് വിഷയങ്ങളിലേതെങ്കിലും ഒന്നിൽ റെഗുലർ ബിരുദാനന്തര ബിരുദവും കമ്പ്യൂട്ടർ പരിജ്ഞാനവും നിർബന്ധമാണ്.

ഉദ്യോഗാർഥികൾ ജൂലൈ 7-ന് രാവിലെ 10.30-ന് എസ്.എസ്.എൽ.സി., വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന ഒറിജിനൽ സർട്ടിഫിക്കറ്റുകളും അവയുടെ പകർപ്പുകളും സഹിതം തിരുവനന്തപുരം ജില്ലാ പഞ്ചായത്ത് ഓഫീസിൽ ഹാജരാകണം.