ഹിന്ദി ട്രാൻസ്ലേറ്റർ : സ്റ്റാഫ് സെലക്ഷൻ കമീഷൻ അപേക്ഷ ക്ഷണിച്ചു.

Share:

കേന്ദ്രസർക്കാരിന്റെ വിവിധ മന്ത്രാലയങ്ങൾ, വകുപ്പുകൾ, സ്ഥാപനങ്ങൾ എന്നിവിടങ്ങളിൽ ജൂനിയർ ഹിന്ദി ട്രാൻസ്ലേറ്റർ, ജൂനിയർ ട്രാൻസ്ലേറ്റർ, സീനിയർ ഹിന്ദി ട്രാൻസ്ലേറ്റർ, ഹിന്ദി പ്രാധ്യാപക് തുടങ്ങി ഗ്രൂപ്പ് ബി തസ്തികകളിലെ ഒഴിവുകളിലേക്ക് സ്റ്റാഫ് സെലക്ഷൻ കമീഷൻ അപേക്ഷ ക്ഷണിച്ചു.

യോഗ്യത:  ഇംഗ്ലീഷ് മാധ്യമമായോ നിർബന്ധവിഷയമായോ തെരഞ്ഞെടുത്തോ ബിരുദതലത്തിൽ പഠിച്ച് ഹിന്ദിയിൽ ബിരുദാനന്തര ബിരുദം/ഹിന്ദി മാധ്യമമായോ നിർബന്ധവിഷയമായോ തെരഞ്ഞെടുത്തോ ബിരുദതലത്തിൽ പഠിച്ച് ഇംഗ്ലീഷിൽ ബിരുദാനന്തര ബിരുദം. ഇംഗ്ലീഷും ഹിന്ദിയും മാധ്യമമായോ നിർബന്ധവിഷയമായോ  ബിരുദതലത്തിൽ പഠിച്ച് മറ്റുവിഷയങ്ങളിൽ ബിരുദാനന്തരബിരുദം നേടിയവർക്കും അപേക്ഷിക്കാം.

ഉയർന്ന പ്രായം: 30 വയസ് .

ജനുവരി ഒന്നിനെ അടിസ്ഥാനമാക്കിയാണ് പ്രായം കണക്കാക്കുന്നത്.

നിയമാനുസൃത ഇളവ് ലഭിക്കും.

ഓരോ തസ്തികക്കും നിഷ്കർഷിച്ചിട്ടുള്ള യോഗ്യത, പ്രായം മറ്റുവിശദവിവരങ്ങൾ https://ssc.nic.in എന്ന വെബ്സൈറ്റിൽ ലഭിക്കും.

കേരളം, കർണാടകം, ലക്ഷദ്വീപ് എന്നിവിടങ്ങളിലുള്ളവർ കേരള‐കർണാടക റീജണിലാണ് ഉൾപ്പെടുക. ബംഗളൂരു, കൊച്ചി, തിരുവനന്തപുരം എന്നിവിടങ്ങളാണ് പരീക്ഷാകേന്ദ്രങ്ങൾ. ഒബ്ജക്ടീവ് മാതൃകയിലുള്ള കംപ്യൂട്ടർ അധിഷ്ഠിത ഓൺലൈൻ പരീക്ഷ, വിവരണാത്മക പരീക്ഷ, യോഗ്യതാ രേഖകളുടെ പരിശോധന എന്നിവയിലൂടെയാണ് തെരഞ്ഞെടുപ്പ്.

https://ssc.nic.in എന്ന വെബ്സൈറ്റിലൂടെ  ഓൺലൈൻ രജിസ്ട്രേഷൻ നടത്താം .

അവസാന തിയതി സെപ്തംബർ 26 വൈകിട്ട് അഞ്ച്.

TagsSSC
Share: