കളക്ഷൻ ഫെസിലിറ്റേറ്റർ : 1,438 ഒഴിവുകൾ
എസ്ബിഐയിൽ നിന്നോ എസ്ബിഐയുടെ അസോസിയേറ്റ് ബാങ്കുകളിൽനിന്നോ വിരമിച്ചവർക്ക് സ്റ്റേറ്റ് ബാങ്ക് ഓഫ് ഇന്ത്യയിൽ കളക്ഷൻ ഫെസിലിറ്റേറ്റർ ആകാം. വിവിധ സർക്കിളുകൾക്കു കീഴിലായി 1438 ഒഴിവുകളാണുള്ളത്. തിരുവനന്തപുരം സർക്കിളിനു കീഴിൽ 101 ഒഴിവുകളുണ്ട്.
കരാർ നിയമനമാണ്. ഒരു വർഷത്തേക്കാണു നിയനമം. മൂന്നു വർഷം വരെ നീട്ടാം.
ജെഎംജിഎസ്- 1 വിഭാഗത്തിൽനിന്നും വിരമിച്ചവർക്ക് 31 ഒഴിവും എംഎംജിഎസ്- 2 വിഭാഗത്തിൽനിന്നും വിരമിച്ചവർക്ക് 50 ഒഴിവും ക്ലറിക്കൽ വിഭാഗത്തിൽനിന്ന് വിരമിച്ചവർക്ക് 20 ഒഴിവുകളുമാണുള്ളത്.
ഷോർട്ട് ലിസ്റ്റ് ചെയ്യപ്പെടുന്ന അപേക്ഷകരിൽ നിന്നും ഇന്‍റർവ്യൂ നടത്തിയാണ് തെരഞ്ഞെടുക്കപ്പെടുക.www.bank.sbi , www.sbi.co.in എന്നീ വെബ്സൈറ്റിലൂടെ ഓണ്‍ലൈനായി അപേക്ഷ സമർപ്പിക്കുക. അവസാന തീയതി ജനുവരി പത്ത്.
