യുഡി ക്ലാർക്ക്: 34 ഒഴിവുകൾ
ആണവോർജ വകുപ്പിൻറെ നിയന്ത്രണത്തിലുള്ള ഡയറക്ടറേറ്റ് ഓഫ് പർച്ചേസ് ആൻഡ് സ്റ്റോർസിൽ യുഡി ക്ലാർക്ക് /ജൂനിയർ പർച്ചേസ് അസിസ്റ്റന്‍റ്/ ജൂനി യർ സ്റ്റോർ കീപ്പർ തസ്തികയിൽ 34 ഒഴിവുകളിലേക്ക് അപേക്ഷ ക്ഷണിച്ചു.
യോഗ്യത: അൻപതു ശതമാനം മാർക്കോടെ ഏതെങ്കിലും വിഷയത്തിൽ ബിരുദം. ഇംഗ്ലീഷ് ടൈപ്പിംഗിൽ മിനിറ്റിൽ 30 വാക്ക് വേഗം. കംപ്യൂട്ടർ ഡേറ്റാ പ്രോസസിംഗ് അറിവ്, മെറ്റീരിയൽസ് മാനേജ്മെന്‍റിൽ ഡിപ്ലോമ.
പ്രായം: 2018 സെപ്റ്റംബർ 30 ന് 18- 27 വയസ്. എസ്‌സി, എസ്ടിക്കാർക്ക് അഞ്ച് വർഷവും ഒബിസിക്കാർക്ക് മൂന്നു വർഷവും അംഗപരിമിതർക്ക് 10 വർഷവും ഉയർന്ന പ്രായത്തിൽ ഇളവ് ലഭിക്കും.
തെരഞ്ഞെടുപ്പ്: മുംബൈയിൽ വച്ച് നടക്കുന്ന എഴുത്തുപരീക്ഷയുടെയും ഇന്‍റർവ്യൂവിന്‍റെയും അടിസ്ഥാനത്തിലാണ് തെരഞ്ഞെടുപ്പ്. മുംബൈ റീജണൽ യൂണിറ്റിലായിരിക്കും നിയമനം. അപേക്ഷ ഓൺലൈനായി സമർപ്പിക്കണം.
കൂടുതൽ വിവരങ്ങൾ: www.recruit.barc.gov.in / www.dpsdae.gov.in എന്ന വെബ്സൈറ്റിൽ ലഭിക്കും .
അപേക്ഷ സ്വീകരിക്കുന്ന അവസാന തീയതി സെപ്റ്റംബർ 30.
